మోము అందం

మోము అందం

లోకానికి నుపరిచితం

కాని మనసు అందం


ఎవరికి సుపరిచితం


అది మనసు గలవారికి


మాత్రమే సుపరిచితం

అశ్రునివాళి

నీవే జీవితమనుకున్నాను

నీవే దైవమనుకున్నాను

సేవే పరమార్థమనుకున్నాను

కరుణయే ముఖ్యమనుకున్నాను

కాని దైవమే దేహం వదిలి పోతే

భరించలేకున్నా బాబా

అశ్రువులతో కడసారి వీడ్కోలు

శ్రీ రామ హరతి

శ్రీ రామ హరతి
రచన : బ్రహ్మ శ్రీ రుక్మాభట్ల నరసింహస్వామి
(ఏమివ్వను నీకేమివ్వను-అనుమాదిరి)

నీ నామము మంగళధామము
ఓ శ్రీ రామ తారకమే నీ స్మరణము
|| నీ నామము ||

పావన సరయూతీరవిహారము-నీకే మోదము
నీ పదము జేరు వరమౌనుల హృదయము-నీ హృదయము
పవనాత్మజుడే భజించు-చరణము
పతితపావనా మాకే-శరణము
|| నీ నామము ||

భూజాత మనమ్ములోని దీపము-నీ రూపము
రాజధరుని రామాయణ గానము-కరుణ నిధానము
గజవరదా నీ శుభ కళ్యాణము
ఈ భక్తుల దీన జనోద్దరణము
|| నీ నామము ||

ఉగాది పర్వదినం

నిషస్సు నెక్కె ఉషస్సు ఎదపై చెక్కిన యశశ్శిల్పమే
" ఈ యుగాది"
అరిషడ్వర్గపు అరిహస్తాలను ఖండించే సూర్యకిరణపు
కరవాలాలను నిలిపిన వేదిక
"ఈ యుగాది"
వికృతి నామపు విపరీతాలను
విశేషాలను తనలో నుంచిన
ఖర నామపు స్వాగత తోరణం
"ఈ యుగాది"
ఉత్పలమాలను చంపకమాలను మెడను ధరించి
మత్తేభమ్ముల,శార్ధూలమ్ముల వాహనమ్ముల గావించి
కోటి కోకిలల కుహుగానములను
నాదస్వరముల గానముల మేళవించి
ప్రశాంత ప్రాగ్వేదికపై
ఉషాకిరణాల దిశారాగమే
" ఈ యుగాది"
షట్శాస్ర్తమ్ముల సారమ్ములను
షడ్రుచులుగా మలిచి
దశాదిశావేదికపై ఉదయించు
నవగ్రీష్మ తేజమే
"ఈ యుగాది"

సుడి గొని రామ పాదము