విఘ్నేశ హారతి

రచన:  బ్రహ్మ శ్రీ రవీంద్రశర్మ

(ఓం జయ జయ జగదీష్ హరే అను మాదిరి)

ఓం జయ జయ విఘ్నేశ హే ప్రభో   జయ విఘ్నేశ

నత జన సంకట నాశ   ||2||

నిజ జనదు:ఖ వినాశ సకల గణాధీశ

                                                                         || ఓం జయ జయ విఘ్నేశ|| 

సురగురుడోరగ కిన్నర పూజిత పదపద్మా

స్వామి పూజిత పదపద్మా

          పరమేశ్వర కరుణాకర   ||2||

     మునిమానస సద్మా  

          

                                                                        || ఓం జయ జయ విఘ్నేశ|| 

వరదా భయ పాశాంకుశధర పార్వతీ తనయా

స్వామి పార్వతీ తనయా

        వరదాయక మంగళకర    ||2||

పరమ దయా హృదయా

                                                                         || ఓం జయ జయ విఘ్నేశ|| 

మూలాధార విహార యోగి జనోద్ధార

స్వామి యోగి జనోద్ధార

           పరమసుధారసధార     ||2||

ఆనందాకార

                                                                        || ఓం జయ జయ విఘ్నేశ||

శ్రీ హ్రీ కామధరేశ్వర వరదా ప్రియధామా

స్వామి  వరదా ప్రియధామా

   గణనాయక నిధినాయక  ||2||

ప్రియనాయక భూమా

                                                                      || ఓం జయ జయ విఘ్నేశ||

ఖండిత దానవ మండల భక్తజనామోద

స్వామి భక్తజనామోద

          చండీ ప్రియసుత శ్రీదా    ||2||

రవీశ్వరా వరదా

                                                                      || ఓం జయ జయ విఘ్నేశ||

     

శ్రీ శిరిడి సాయిబాబా అష్టకము

(బ్రహ్మ శ్రీ గౌరిభట్ల రఘురామశాస్త్రి గారి చే విరచితం)

----------------------------------------------

శ్రీ రామాకృతి గోవిందాకృతి పరమ శివాకృతి సమభావం

మాయాతీతం భక్తి,సమర్పిత వస్తు ప్రేమ గుణద్యోతం

బాబారూపం ద్వారకనామక మందిర శాంతి కళాదీపం

సేవే మమహృది నిత్యం సాయి మహాత్మానం పరమాత్మానాం

--------------------------------------------------

సర్వాంతర సంకల్ప  జ్ఞానసముద్రం దీన దయాముద్రం

సర్వ స్వరూప దర్శన దాన విధాతారం కరుణాపారం

జీవాజ్ఞాన నిశీథాగాధ తమోహర మద్యందిన భానుం

సేవే మమహృది నిత్యం సాయి మహాత్మానం పరమాత్మానాం

-----------------------------------------------------

రోగాతుర విలపన్మనసాం తద్రోగాపహరణం పారీణం

భోగాసక్త జనాంతర భక్తి మతాం వాంఛాతతి దాతారం

యోగానంద మిలన్మానసలసతా మనపాయ తయాసీనం

సేవే మమహృది నిత్యం సాయి మహాత్మానం పరమాత్మానాం

-----------------------------------------------------

శ్రీ రామ సదృశ దర్శన ఘటక మయోధ్యా ధిపపద భక్తానాం

పాండురంగ సమదర్శన దాన ధురీణం విఠళ భక్తానాం

భావానుసార ఫలదం భక్తజనావన కార్యమహమోదం

సేవే మమహృది నిత్యం సాయి మహాత్మానం పరమాత్మానాం

-----------------------------------------------------

శతయోజన గత గోధాబంధు నమాగమవార్తావక్తారం

జన్మత్రయ బంధాగత భుజగగిళిత మండూక విమోక్తారం

భూతగ్రహ మారీ పీడాహరధునియా విభూతి దాతారం

సేవే మమహృది నిత్యం సాయి మహాత్మానం పరమాత్మానాం

---------------------------------------------------

బృందావన సమషిరిడి పుర్యాం శ్రీ కృష్ణాకృత సంకాశం

మారుతి సదృశ లసన్మూర్తిం హతాధీనాతుర జనబహుళార్తిం

కాలత్రయ గతి వేత్తారం కల్మషరిపు దుర్గ విభేత్తారం

సేవే మమహృది నిత్యం సాయి మహాత్మానం పరమాత్మానాం

----------------------------------------------------

భూత వర్తమాన భావి విజ్ఞం సంకల్పిత కృషి సర్వజ్ఞం

ఆడంబర రహితాచార్యం పరమాధ్బుత మహిమాన్విత చర్యం

స్వాత్మానందను భవోత్తీర్ణం శ్రితవాత్సల్య గుణాకీర్ణం

సేవే మమహృది నిత్యం సాయి మహాత్మానం పరమాత్మానాం

-----------------------------------------------------

వైశ్వానర్పిత తైలథినేజల తైలోజ్వలిత ధునిదీపం

చౌర్యాదిక దుర్గుణ హర్తారం ఫాతకీజన సంస్కర్తారం

బ్రహ్మనంద మహొదధి చంద్రం వాతాతి హర్ష హరణేంద్రం

సేవే మమహృది నిత్యం సాయి మహాత్మానం పరమాత్మానాం

--------------------------------------------------

సర్వ శుభావహ తాపస గణపతి వాచక సాయి శుభదనామన్

ఆశ్రిత పాప క్షాలనదీక్షా కష్టజలధి తారణ రక్ష

సాయి మహత్మాష్టక ఫఠితారో సాయి కృపా వీక్షణ లేశాత్

సర్వ సుఖాన్యను భవంతి మిద త్యపి కైవల్య శుభందామ

పద్య వైభవము

పద్యమ్ము నెవడురా పాడుబడ్డదియంచు

              వెర్రివాడై విర్రవాగువాడు?

పద్యమ్ము నెవడురా పాతిపెట్టెదనంచు

             ఉన్మాదియై ప్రేలుచున్నవాడు?

పద్యమ్ము ఫలమురా పాతిపెట్టిన పెద్ద

             వృక్షమై పండ్లవేవేల నొసగు

పద్యమ్మునేనాడో పాతిపెట్టితి మేము

 

             లోకుల హృదయాల లోతులందు

ఇప్పుడద్దాని పెకిలింప నెవరితరము?

వెలికి తీసి పాతుట ఎంత వెర్రితనము

నిన్నటికి మొన్న మొన్ననే కన్ను తెరచు

బాల్యచాపల్యమున కెంత వదరుతనము

రచన :అజ్జ్జ్జ్జాత కర్తృకం

సేకరణ: సాయిరామ్ శర్మ 

శ్రీ లలితా పరమేశ్వరి క్షేత్రము,వెంకటాపూర్

           

శ్రీ శ్రీ శ్రీ లలితాదేవ్యైనమ:

శ్రీ శ్రీ శ్రీ లలితా పరమేశ్వరి,శ్రీ లక్ష్మిగణపతి శ్రీ దత్తాత్రేయ స్వామి వారి దేవాలయముల నిర్మాణమునకు కార్యోన్ముఖులు అగుటకై

స్వస్తి శ్రీ వ్యయనామ సంవత్సర మాఘశుద్ద సప్తమి తేది 25-01-2007 నాడు శ్రీ శ్రీ శ్రీ లలితాపరమేశ్వరి దేవాలయములకు శంఖస్థాపన జరిగిన శుభసంధర్భాన శ్రీ లలితాసేవాసమితి వారు సమస్త ప్రజలను దేవాలయముల నిర్మాణము కొరకు మన:పూర్వకముగా కోరుచున్నారు.

"అంతర్ముఖ సమారాధ్య బహిర్ముఖ: సుదుర్లభ"

అన్నట్లు శ్రీ సోమయాజుల రవీంద్రశర్మ గారికి అమ్మవారు శ్రీ లలితా పరమేశ్వరి కరుణామయి కావున వారి సంకల్పము కార్యరూపము దాల్చుటకై స్వప్నమందు దర్శనమిచ్చిసహస్రచండీయాగములు జరిపించమని  ఆదేశించడమైనది.స్వప్నాదేశానుసారము సహస్రచండీయాగ నిర్వహణ కార్యక్రమమును భక్తుల సహకారముతో చేయ సంకల్పించిరి.

స్వస్తిశ్రీ ఈశ్వరనామ సంవత్సర చైత్ర బహుళ చతుర్దశి (05-05-1997) వేలూరు గ్రామమందు ప్రధమ యాగము ప్రారంభమై 04-01-2001  వరకు అష్టోత్తర శత చండీయాగము(108),అల్లాపూర్ గ్రామ శివారు లో సంపూర్ణమై సహస్ర చండీయాగము   వైపు విజయవంతంగా కొనసాగుతున్న సంధర్బమున 

శ్రీ శ్రీ శ్రీ లలితా పరమేశ్వరి ప్రేరణచే వెంకటాపూర్ గ్రామము తూప్రాన్ మండలము నందు ఆ గ్రామస్తులచే నిర్మించబదిన శ్రీ ప్రసన్నాంజనేయ స్వామి వారి ప్రతిష్ట మహోత్సవ సంధర్భమున గ్రామ ప్రముఖుల మర్యాదమన్ననలను చూచి వారి ఉత్సాహముతో శ్రీ లలితా పరమేశ్వరి దేవాలయనిర్మాణమునకై భూదానము కొరకు ప్రస్తావించిన తక్షణమే వారు ఒప్పుకుని స్వస్తిశ్రీ వ్యయనామ సంవత్సర చైత్ర బహుళ చతుర్దశి 26-04-2006 రోజు నవమ వార్షికోత్సవ సంధర్భాన జరిగిన 316 వ చండీయాగము  జరిగిన సంధర్భాన గ్రామ ప్రముఖులు బహిరంగంగా భూదానము గావించిరి.

దివి 31-05-2011 వరకు 547 చండీయాగములు పూర్తి అయినవి.

ఎందరో లలితాపరమేశ్వరీ  సేవాభక్తులు చండీయాగములు చేసుకుని సంతానము లేనివారు సంతానము పొందినారు.కోరిన కోర్కెలు తీర్చుమని కోరిన వారికి అమ్మవారు కొంగుబంగారమై ఉన్నది.

నిర్మాణములో ఉన్న ఆలయ ముఖద్వారము

వెంకటాపురం నందు శ్రీ లలితా పరమేశ్వరి,శ్రీ లక్ష్మీ గణపతి మరియు శ్రీ దత్తాత్రేయ స్వామి దేవాలయముల నిర్మాణములు కొనసాగుచున్న మహత్కార్యములో భక్తుల దేవాలయముల నిర్మాణము మరియు యజ్ఞశాల,భోజనశాల,సాంస్కృతిక కళావేదిక,ఉద్యానవనముల నిర్మాణమునకు ధనరూపేణ గాని,వస్తురూపేణగాని తమ శక్త్యనుసారముగా ఇతోధిక సహయ సహకారములు అందించి అమ్మవారి కృపకు పాత్రులు కాగలరని కోరుచున్నాము.

మెదక్ జిల్లాలోనే అత్యంత ప్రముఖ దేవాలయముగా విరాజిల్లుటకై తోడ్పడగలరని మా ఆకాంక్ష.



శ్రీ లలితా సేవా సమితి
సోమయాజుల రవీంద్రశర్మ

దేవి ఉపాసకులు
వాస్తు,జ్యోతిష్యం
ప్రదాన కార్యాలయము
శ్రీ బాలాంజనేయస్వామి దేవాలయము
తూప్రాన్
E-mail id: s.ravindra.sharma@gmail.com

మోము అందం

మోము అందం

లోకానికి నుపరిచితం

కాని మనసు అందం


ఎవరికి సుపరిచితం


అది మనసు గలవారికి


మాత్రమే సుపరిచితం