౧.కల్లోలల్లసితా మృతాబ్ధి లహరిమధ్యే,విరాజన్మణి ద్వీపే కల్పకవాటికా పరివృతే కాదంబవాట్యుజ్వలే రత్నస్తంభ సహస్ర నిర్మిత సభామధ్యే విమానోత్తమే చింతారత్న వినిర్మితం జనని తే సింహాసనం భావయే!!
౨.ఏణాంకానల భానుమండల లసచ్ఛ్రీచక్రమధ్యే స్థితాం బాలార్కద్యుతిభాసురాం,కరతలైఃపాశాంకుశౌబిభ్రతీం
బాపం బాణమపి ప్రసన్నవదనాం,కౌసుంభవస్త్రాన్వితాం,త్వాంచంద్రకళావతంసమకుటాం,చారుస్మితాం భావయే!!
౩.ఈశానాది పదం,శివైకఫలకం,రత్నాసనంతేశుభం,పాద్యం కుంకుమ చందనాదిభరితైరర్ఘ్యం సరత్నాక్షతైః
శుద్ధేరాచమనీయం తవజలైర్భక్త్యామయాకల్పితం,కారుణ్యామృతవారధే,తధఖిలం సంతుష్టయే కల్ప్యతాం!!
౪.లక్ష్యే యోగిజనస్య లక్షిత జగజ్జాలే,విశాలేక్షణే,ప్రాలేయాంబు పటిర కుంకుమలసత్కర్పూర మిశ్రోదకైః గోక్షీరై
రపినారికేళసలిలశ్శుద్ధోనకైర్మంత్రితైఃస్నానం దేవి ధియామయై తధఖిలం సంతుష్టయే కల్ప్యతాం!!
౫.హ్రీంకారాంకిత మంత్రలక్షితతనో,హేమాంచలాత్సంతితై రత్నైరుజ్జ్వల ముత్తరీయసహితం కౌస్తుభవర్ణాంశుకం
ముక్తసంతతి యజ్ఞసూత్రమమలం,సౌవర్ణతంతూద్భవం,దత్తందేవి ధియామయై తధఖిలం సంతుష్టయే కల్ప్యతాం!!
౬.హంసైరప్యపి లోభనీయగమనే,హోరావళీ ముజ్జ్వలాం,హిందోళద్యుతి హీరపూరితతరే,హేమాంగధే కంకణే
మంజీరౌమణికుండలే,మకుట మప్యర్థేందు చూడామణిం,నాసామౌక్తిక మంగుళీయకటకౌ,కాంచీమతి స్వీకురు!!
౭.సర్వాంగే ఘనసార కుంకుమ ఘనశ్రీగంధ పంకాంకితాం,కస్తూరి తిలకంచ ఫాలఫలకే,గోరోచనాపత్రకం గండా దర్శన
మండలే,నయనయోర్దివ్యాంజనంతేంచితం,కంఠాబ్దే మృగనాభి పంకకమలం త్వత్ప్రీతయేకల్ప్యతాం!!
౮.కల్హారోత్పల మల్లికామరువకై సౌవర్ణపంకేరుహైఃజాజీచంపక మాలతీ వకుళకైర్మందార కుందాదిభిఃకేతక్యా
కరవీరకైర్భహువిధై క్లప్తాస్రజోమాలికాః సంకల్పేన సమర్పయామివరదే ,సంతుష్టయే గృహ్యతాం!!
౯.హంతారం మదనస్య నందయసీయైరంగై రసంగోజ్జ్వలై: భృంగావళి నీలకుంతలభరైర్బద్నా సీతస్యాశయం
తానీమానితవాంబ కోమల తరణ్యామోదలీలా గృహణ్యామోదాయ దశాంగ గుగ్గులు ఘృతైర్థూపై రహంధూపయే!!
౧౦.లక్ష్మీముజ్జ్వలయామి రత్ననివహోద్భాసాంతరీ మందిరే,మాలారూప విళంబితైర్మణిమయ స్తంభేషు సంభావితైః
చిత్రైర్హాటక పుత్రికాం కరధృతైఃగృవైఘృతై ర్వర్థితైఃదివైద్దీప గణైర్థియా గిరిసుతే సంతుష్టయే కల్ప్యతాం!!
౧౧.హ్రీంకారేశ్వరి తప్తహాటకృతైఃస్థాలీ సహస్రైర్బృతం దివ్యాన్నం ఘృతసూపశాకభరితం చిత్ర్రాన్నభేదంతథా దుగ్దాన్నం
మధు శర్కరాదధియుతం మాణిక్య పాత్రేస్థితం,మాషాపూప సహస్రమంబబ్ సఫలం నైవేద్యమావేదయే!!
౧౨.సచ్ఛాయైర్వర కేతకీదళరుచా,తాంబులవల్లీదళైః పూగైర్భూరి గుణై స్సుగంధ మధురైఃకర్పూరఖండోజ్జ్వ్లలైః
ముక్తాచూర్ణ విరాజితైర్బహువిదైర్వక్త్రాంబుజామోదితై పూర్ణరత్న కళాచికా తవముదేన్యస్తా పురస్తాదుమే!!
౧౩.కన్యాభిఃకమనీయకాంతిభి రలంకారామలారార్తికా పాత్రే మౌక్తిక చిత్ర పంక్తి విలసత్కర్పూరదీపాళిభిః తత్తత్తాళ
మృదంగ గీత సహితం నృత్యత్పదాంబోరుహం ,మంత్రారాధన పూర్వకం,సునిహితం,నీరాజనం గృహ్యతాం!!
౧౪.లక్ష్మీర్మౌక్తిక లక్ష కల్పిత సితచ్ఛత్రంతుధత్తే రసాత్ ఇంద్రాణీచ రతితిశ్చ ఛామరవరేధతే స్వయంభారతీ
వీణామేణ విలోచనాసుమనసాం,నృత్యతిసంరాగన్యతే,భావైరాంగిక సాత్వికైఃస్ఫటరసం మాత్వస్త సూకర్ణ!!
౧౫.హ్రీంకారత్రయ సంపుటేన మనునోస్యీత్రయా మౌళిభిర్యాకై ర్లక్ష్యతనో శివస్తుతి విధౌకోవాక్ష మేతాంభికే సల్లాపాః
స్తుతయః పదక్షిణ శతం సంచారేవా స్తుతి,సంవేశో మనసస్సహస్రమఖిలంత్వత్ప్రీతయేకల్ప్యతాం!!
౧౬.శ్రీ మంత్రాక్షర మాలయా,గిరిసుతాం,యఃపూజయేచ్ఛేతసా,సంధ్యా సంయతి వాసరం సునియత సస్త్యామలస్యా
చిరాత్ చిత్తాంబోరుహ మంటపే,గిరిసతవృతాం,రసాద్వాణి వక్త్రసరోరుహే,జలధిజాగేహే జగన్మంగళా!!
౧౭.ఇతి గిరివర పుత్రీం పాదరాజీవభూషాం,భువన మమలయంతీ సూక్తి సౌరభ్యసారైఃశివపద మకరంద స్యందినీ మన్నిబద్దా,మదయత,కవిభృంగా మాతృకా పుష్పమాలా!!
(ఇతి శ్రీమచ్ఛంకరభగవత్పూజ్య పాద విరచిత మంత్ర మాత్రుకాపుష్ప మాలాత్మక నిత్య మానసిక పూజ సంపూర్ణాః!!)
