చాంపేయగౌరార్థ శరీరకాయై కర్పూర గౌరార్థ శరీరకాయ
ధమ్మిల్లకాయైచ జటాధరాయ నమశ్శివాయైచ నమశ్శివాయ||
కస్తూరికా కుంకుమ చర్చితాయై చితారజ:పుంజవిచర్చితాయ
కృతస్మరాయై వికృతస్మరాయ నమశ్శివాయైచ నమశ్శివాయ||
ఝణత్ క్వణత్ కంకణనూపురాయై పాదాబ్జరాజత్ఫణి నూపురాయ
హేమాంగదాయై భుజగాంగదాయ నమశ్శివాయైచ నమశ్శివాయ||
విశాలనీలోత్పల లోచనాయై వికాసిపంకేరుహలోచనాయ
సమేక్షణాయై విషమేక్షణాయ నమశ్శివాయైచ నమశ్శివాయ||
మందారమాలాకలితాలకైయ కపాలమాలాంకితకంధరాయ
దివ్యాంబరాయైచ దిగంబరాయ నమశ్శివాయైచ నమశ్శివాయ||
అంభోధర శ్యామలకుంతలకాయై తటిత్ ప్రభాతమ్రజటాధరాయ
నిరీశ్వరాయై నిఖిలేశ్వరాయ నమశ్శివాయైచ నమశ్శివాయ||
ప్రపంచ సృష్ట్యున్ముఖలాస్యకాయై సమస్త్ సంహారకతాండవాయ
జగజ్జనన్యై జగదేకపిత్రే నమశ్శివాయైచ నమశ్శివాయ||
ప్రదీప్త రత్నోజ్జ్వలకుండలాయై స్పురన్మహాపన్నగభూషణాయ
శివాన్వితాయైచ శివాన్వితాయ నమశ్శివాయైచ నమశ్శివాయ||
ఏతత్ పఠేదష్టకమిష్టదం యో భక్త్యాసమాన్యో భువిధన్యజీవి
ప్రాప్నోతి సౌభాగ్యమనంతకాలం భూయాత్ సదాచాస్య సమస్త సిద్ధి:||
