శ్రీ రామ హరతి

శ్రీ రామ హరతి
రచన : బ్రహ్మ శ్రీ రుక్మాభట్ల నరసింహస్వామి
(ఏమివ్వను నీకేమివ్వను-అనుమాదిరి)

నీ నామము మంగళధామము
ఓ శ్రీ రామ తారకమే నీ స్మరణము
|| నీ నామము ||

పావన సరయూతీరవిహారము-నీకే మోదము
నీ పదము జేరు వరమౌనుల హృదయము-నీ హృదయము
పవనాత్మజుడే భజించు-చరణము
పతితపావనా మాకే-శరణము
|| నీ నామము ||

భూజాత మనమ్ములోని దీపము-నీ రూపము
రాజధరుని రామాయణ గానము-కరుణ నిధానము
గజవరదా నీ శుభ కళ్యాణము
ఈ భక్తుల దీన జనోద్దరణము
|| నీ నామము ||